Florence University of the Arts (FUA)

blog-entry_FUA.italy

Starfstengt diplomanám “Career Programs”

Florence University of the Arts (FUA) rekur eins og tveggja ára starfsmenntabrautir fyrir nema sem eru áhugasamir og vilja þróa nýja hæfileika og bæta þekkingu sína, um leið og þeir byggja upp faglega reynslu í alþjóðlegu umhverfi.

Kennslan og innihald námsins njóta styrkleika rannsókna og þekkingar starfandi fagmanna. Sérstaða námsins liggur í samsetningu þess í kennslustofu og starfsþjálfunar á vettvangi, í hinu skapandi umhverfi Flórensborgar. Náminu er skipt í tvo áfanga á ári og í hverjum áfanga eru fimm námskeið, auk valgreina. Að loknu þessu námi er hægt að halda áfram í BA nám.

Fimm skólar sem starfa undir hatti Florence University of the Arts (FUA) bjóða starfstengt nám nám á ýmsum sviðum; Viðburðastjórnun og matargerð, ljósmyndun og stafræna miðlun, fatahönnun og hönnun fylgihluta, arkitektúr og hönnun lúxusvara sem og blaðamennsku.

Flórens er einn stærsti áfangastaður ferðamanna í heiminum og blómstrandi kjarni lista og viðskipta, matargerðar og veitingaþjónustu. Menning Flórensborgar er þannig nýtt til að búa til reynsluheim sem er engum öðrum líkur.

Námsleiðir í tveggja ára námi (Two-year, 4 levels)

Apicius (International School of Hospitality) er fyrsti alþjóðlegi skólinn á Ítalíu, í veitinga-, móttöku- og viðburðastjórnun. Apicius var stofnaður árið 1997 og er í dag fagháskóli í fremstu röð á sínu sviði. Stefna skólans er að búa nemendum faglegt akademískt umhverfi þar sem þeir öðlast reynslu í viðskiptum, gestamóttöku og ferðaþjónustu, ítalskri matargerð, vínsmökkun og útgáfu.
Hér eru tenglar með nánari upplýsingum: Culinary Arts (Matarlist) • Hospitality Management (Móttöku- og viðburðastjórnun).

Fjögurra ára BA nám (Bachelor of business administration). Einnig er í boði hjá Apius fjögurra ára bakkalárnám í Hospitality Management, með sérhæfingu í International Hotel and Tourism Management, eða Culinary Arts & Food Service Management. Sjá nánar

DIVA (School of Digital Imaging Visual Arts) býður nám í ljósmyndun og sjónrænni miðlun. Ljósmyndadeildin er afar vel skipulögð og býður góða hagnýta þjálfun fyrir þá sem vilja starfa við ljósmyndun. Deild stafrænnar miðlunar býður námsleiðir á sviði grafíkur, myndskreytingar, vefhönnunar, margmiðlunar og viðskipta. Hér eru tenglar með nánari upplýsingum: Photography (Ljósmyndun) • Visual Communication (Stafræn miðlun).

FAST (School Of Fashion, Accessory Studies and Technology) rekur tvær deildir. Önnur er nám í tískuhönnun og fatatækni sem gerir nemum fært að efla þekkingu sína í hönnun, tækni og skapandi vinnu. Skólinn býður trausta undirstöðumenntun sem byggist bæði á sögu fatahönnunar og tengingu við starfandi alþjóðlega hönnuði, sem og meginreglur hönnunar og sköpunar.
Hönnun og gerð fylgihluta leggur áherslu á að þróa færni í hönnun og framleiðslu á skóm, hönskum, töskum, beltum, höttum og þannig hátta fylgihlutum. Nemendur fá þjálfun undir stjórn fagmanna sem er nauðsynleg til að þróa margþætta hæfileika og vinna við fagið.
Hér eru tenglar með nánari upplýsingum: Accessory Design and Technology (Fylgihlutir og tækni) • Fashion Design and Technology (Fatahönnun og tækni)

IDEAS (School of Architecture and Sustainability) er eins og nýtt torg “piazza” í Flórens þar sem unnið er að því að endurhugsa arkitektúr, hönnun og viðgerðir. Markmiðið er að skilja hvernig fólk upplfir efnislegt rými. Skólinn skiptist í fimm deildir; Architectural Studies • Sustainable Architecture And Design • Interior And Visual Design • Product Design • Architectural Restoration and History Of Architecture.

JSCHOOL (School Of Journalism, Communication and Publishing). Blaðamanna- og útgáfuskóli Florence University of the Arts býður eins árs og fjögurra ára nám í útgáfu og stafrænni miðlun. Nemendur þróa samskiptatækni sína til að draga fram þætti úr menningu og borgarsamfélagi  Ítalíu gegnum nám í blaðamennsku, samskiptum og útgáfu.
Kennsla og þjálfun fer fram undir stjórn alþjóðlegs hóps með sterkan akademískan bakgrunn og langa starfseynslu við fjölmiðlun. Unnið er að raunverkefnum, útgáfu tímarita, fréttabréfa og annars efnis sem kynna starfsemi FUA og Flórensborgar.
Nánari upplýsingar um námið eru hér: 1-Year Career Program in Publishing (Eins árs nám í útgáfu) • 4-Year Curriculum in Communication and Interactive Digital Media (Fjögurra ára nám í samskiptum og stafrænni tækni).

Húsnæði
FUA “Housing Office” aðstoðar nema við að finna húsnæði. Skólinn á ekki sjálfur íbúðir, en er í samstarfi við leigumiðlun í Flórens sem leigir út nemendaíbúðir. Allar nánari upplýsingar er að finna á umsóknarblaði. (Hlekkur hér). Lingó veitir einnig nánari upplýsingar.

Við aðstoðum þig við umsóknarferlið.

Lingo er vottaður samstarfsaðili Florence University of the Arts (FUA) á Íslandi. Starfsfólk Lingo veitir allar nauðsynlegar upplýsingar, leiðbeinir um námsval, útvegar umsóknargögn og aðstoðar við umsóknarferlið.

Eftirtalin gögn þurfa að fylgja umsókn:

  • 📝 Umsóknarblað
  • 📨 Hvatabréf
  • 📜 CV – ferilsskrá
  • 🎓 Staðfest gögn um námsferil.
  • Umsagnir / meðmæli.
  • 🛂 Ljósrit af vegabréfi
  • 🌄 Portfólío.
  • 📷 2-4 passamyndir

Hafðu samband við aðstoðum þig með ánægju

Apicius International School of Hospitality

blog-entry_APICIUS

Apicius í Flórens (it. Firenze) er fyrsti alþjóðlegi skólinn á Ítalíu, í veitinga-, móttöku- og viðburðastjórnun. Apicius var stofnaður árið 1997 og er í dag fagháskóli í fremstu röð á sínu sviði. Stefna skólans er að búa nemendum faglegt akademískt umhverfi þar sem þeir öðlast reynslu í viðskiptum, gestamóttöku og ferðaþjónustu, ítalskri matargerð, vínsmökkun og útgáfu.
Flórens er einn stærsti áfangastaður ferðamanna í heiminum og blómstrandi kjarni matargerðar, vínfræða og veitingaþjónustu. Menning Flórensborgar er þannig nýtt til að búa til reynsluheim sem er engum öðrum líkur.
Apicius er einn af níu skólum sem starfa undir hatti Florence University of the Arts (FUA) sem býður nám á ýmsum sviðum; Viðburðastjórnun og Matargerð, Ljósmyndun og Stafrænni tækni, Tískuhönnun, Innanhússhönnun, Viðskiptafræði, Blaðamennsku og Listum og Vísindum.

Apicius býður nám á tveim meginsviðum.

School of Food and Wine Studies
Baking and Pastry (Bakari) • Culinary Arts (Matreiðsla) • Dietetics and Nutrition (Næringarfræði) • Food and Culture (Matur og Menning) • Food, Family and Consumer Sciences (Matvælafræði) • Wine and Culture (Vín og Menning) • Wine Expertise (Vínfræði)

School of Hospitality (HP)
Hospitality and Tourism Management (Veitinga-, móttöku- og viðburðastjórnun) • Hotel and Lodging Management (Móttökustjórn) • Restaurant, Food and Beverage Management (Veitingahúsastjórn).

Starfstengt nám “Career Programs”

Á öllum námsleiðum eru nemar þjálfaðir til starfa á sínu sviði frá fyrsta degi. Námskeiðin eru sniðin að því að byggja upp raunfærni sem byggist á þörfum fyrirtækja á þessu sviði. Áhersla er á tilraunastarfsemi, byggja upp þverfaglega færni og hæfieika til að vera í virkum samskiptum við umhverfi sitt. Veitinga- og viðburðastjórnun er fag sem er í stöðugri þróun og námið tekur einnig mið af því.

Eins árs nám

Baking and Pastry  Culinary Arts  Hospitality Management  Wine Studies and Enology

Tveggja ára nám

Culinary Arts  Hospitality Management

Fjögurra ára BA nám

Hægt er að velja um tvö svið; “Culinary Arts and Food Service Management” (Matarlist og veitingastjórnun) og “Management for the Hospitality and Tourism Industry” (Viðburðastjórnun og ferðaþjónusta). Fyrstu þrjú árin eru rekin í Flórens, en fjórða árið er “on-line” eða hjá Southern New Hampshire University í Bandaríkjunum. Sjá nánar hér:

Fjögurra ára fagháskólanám

Apicius býður einnig námsleiðir í fjögurra ára nám í ”Hospitalty Management” (Stjórn gestamóttöku). Tvær leiðir eru í boði: “Management for the Hotel and Tourism Industry” (Viðburðastjórn og ferðaþjónusta) og “Culinary Arts & Food Service Management” (Matarlist og veitingastjórnun). Sjá nánar:

Styttri námskeið (1-3 vikur)

Fyrir einstaklinga, eða hópa. Flórens og Toskana eru heimsþekkt fyrir matargerð og vínmenningu. Matarlist nær betur yfir að skýra hvers vegna, því nálgunin byggir ekki á tilviljunum, heldur aldagömlum hefðum. Kennsla er í höndum sérfræðinga og nemar fá góða þjálfun í ítalskri matargerð og vínmenningu. Dæmi um þema: Regional Cuisine • Tuscan Cuisine • Italian Wine Culture • Italian Baking and Pastry • Tours and visits in Florence. Sjá nánar:

Nám í eina önn.

Þetta er hagnýtt nám, byggt upp á þrem þriggja vikna lotum í akademísku umhverfi. Hægt er að hefja nám að hausti, í ársbyrjun, eða að vori.
Þessi námskeið eru búin til fyrir hópa (6-20 manns) sem hafa áhuga á að njóta matar og menningar Toskanahéraðs undir leiðsögn sérfræðinga. Einstaklingar geta einnig skráð sig í hópinn og fagmenn geta tekið hluta námsins (t.d. þrjár vikur). Dæmi um nám: Móttaka á veitingastað, stjórnun innkaupa og viðburðastjórnun að hætti Flórensbúa. Sjá nánar:

Hjá Apicius er í boði góð aðstaða
Húsnæði og aðstaða er sniðið að borgarmenningu Flórens. Skólinn er vel staðsettur í miðju borgarinnar og húsnæðið er hrífandi, en um leið hagnýtt. Nemar upplifa því menningu borgarinnar og njóta um leið að taka þátt í þróun hennar. Skólinn rekur eigið veitingahús sem heitir Ganzo

Apicius er í góðum tengslum við fyrirtæki
Skólinn er í góðum samskiptum við virtar stofnanir og fyrirtæki á sviði matargerðarlistar og viðburðastjórnunar. “Apicius Friends” er verkefni sem hefur það meginmarkmið að deila þekkingu og vera í samskiptum við ítalska aðila á þessu sviði. Nemar fá þannig tækifæri til fyrirtækjaheimsókna, geta tekið þátt í verkefnum sem tengjast staðbundnum fyrirækjum og verið í samskiptum við heimsþekkta ítalska framleiðendur.

Framtíðarsýn, verkefni og gildi.

Florence University of the Arts leiðir saman nokkra skóla í því skyni að bjóða fjölbreytt alþjóðlegt háskólanám sem stendst kröfur um fræðileg og akademísk gildi. Skólinn byggir um leið á staðbundinni menningu Flórensborgar. Verkefni FUA er að kynna og þróa skapandi starfsemi með það markmið að miðla staðbundinni menningu í alþjóðlegt umhverfi. Aðstaða og fagleg þekking miðast við það sem best gerist á hverjum tíma.

Gildi skólans eru að bjóða bjóða góða menntun sem byggist á alþjóðlegum hópi kennara og leiðbeinenda. Gæði aðstöðu og staðsetning skólans í Flórens á Ítaliu, skapar nemendum möguleika á að kynnast rótgrónum hefðum og menningu borgarinnar.

Apicius er hluti af Florence University of the Arts (FUA), sem vottar námið ásamt University of Florida. “Florence University of the Arts (FUA) is accredited by the Region of Tuscany (Accreditation Number FI 02219)”.

 

Við aðstoðum þig við umsóknarferlið.

Lingo er vottaður samstarfsaðili Apicius International School of Hospitality á Íslandi. Starfsfólk Lingo veitir allar nauðsynlegar upplýsingar, leiðbeinir um námsval, útvegar umsóknargögn og aðstoðar við umsóknarferlið.

Eftirtalin gögn þurfa að fylgja umsókn:

  • 📝 Umsóknarblað
  • 📨 Hvatabréf
  • 📜 CV – ferilsskrá
  • 🎓 Staðfest gögn um námsferil.
  • Umsagnir / meðmæli.
  • 🛂 Ljósrit af vegabréfi
  • 🌄 Portfólío.
  • 📷 2-4 passamyndir

Hafðu samband við aðstoðum þig með ánægju