SÉRHÆFÐ NÁMSKEIÐ FYRIR KENNARA - Teachers
Tungumálakennarar sem ekki eru "native speakers" og uppeldismenntað fólk, geta leitað nýrra leiða, fengið nýjar hugmyndir og deilt reynslu sinni með öðrum kennurum. Faglegt nám í nýju og hvetjandi umhverfi þar sem neminn er í aðalhlutverki styrkir sjálfsmyndina, eykur víðsýni og síðast en ekki síst - eflir máltilfinninguna.

Hjá samstarfsskólum Lingo-Málamiðlunar starfar vel menntað fólk sem hefur sérhæft sig í kennslu fyrir tungumálakennara. Fjölbreyttar kennsluaðferðir miða að því að hver og einn fái notið sín til fulls í hvetjandi umhverfi.

Lögð er sérstök áhersla á að vinna úr upplýsingum um óskir þátttakenda, sem sendar eru til skólans áður en námið hefst, þannig að hver og einn fái sem mest út úr því. Samt sem áður er viss kjarni sem byggt er á í öllum námskeiðum.