Stjórnendur & eigendur
Sérstaða Lingo - Málamiðlunar felst í mikilli þekkingu og reynslu á sviði erlendra samskipta og tengslum við ólíka menningarheima. Áratuga reynsla af markaðsmálum, vöruþróun og rekstri fyrirtækja, er nýtt í nálgun við markaðinn og þjónustu við viðskiptavini.

Arnþrúður Jónsdóttir starfaði hjá Flugleiðum (nú Icelandair) um níu ára skeið, áður en hún stofnaði Vistaskipti & Nám árið 1990, en fyrirtækið sérhæfði sig í alþjóðlegum menningarskiptum.

Hún byggði upp og rak Vistaskipti & Nám í 12 ár og hefur því haldgóða þekkingu og reynslu af alþjóðlegu starfi. Hún sá einnig í 8 ár um umsóknir og úthlutanir á Leonardo da Vinci styrkjum fyrir námsfólk og ungt fólk á vinnumarkaði.

Árið 1999 sinnti Arnþrúður um 4 mánaða skeið störfum framkvæmdastjóra hjá American Institute for Foreign Study í Höfðaborg í Suður Afríku.

Ásamt fleirum stofnaði hún ferðaskrifstofuna Stúdentaferðir ehf. árið 2002 og starfaði þar í rúmt ár við uppbyggingu þess fyrirtækis.

Arnþrúður Jónsdóttir, Sölu- & þjónustustjóri - eigandi | thruda@lingo.is

Sveinn Magnússon hefur starfað við markaðsmál, hönnun og auglýsingagerð frá árinu 1980 og hefur á þeim tíma unnið fyrir fjölmörg íslensk og erlend fyrirtæki.

Árið 1983 stofnaði Sveinn ESSEMM auglýsingar og markaðsráðgjöf sem lagði áherslu á markaðstengda þjónustu og starfaði það fyrirtæki í 15 ár á þeim grunni.

Hann hefur einnig tekið þátt í verkefnum utan Íslands og starfaði sem meðeigandi og markaðsráðgjafi hjá Idé Film í Stokkhólmi við framleiðslu sjónvarpsauglýsinga fyrir norrænan markað frá 1991-1994 og framleiðslu heimildarmynda frá 1994-1998.

Sveinn vann að markaðsmálum hjá Vistaskiptum & Námi frá árinu 1996-2001 og Stúdentaferðum 2002–2003.

Frá árinu 1996 er Essemm einstaklingsfyrirtæki, sem í samvinnu við hæfustu fagmenn á hverju sviði leggur áherslu á að leysa skilgreind hönnunar- og markaðsverkefni og ná árangri við úrlausn þeirra.

Táknmynd fyrirtækja og uppbygging vörumerkja (Branding) hafa í gegnum tíðina verið stór þáttur í starfsemi Essemm.

Sveinn Magnússon, framkvæmdastjóri - eigandi | sveinn@lingo.is

Lingo - Málamiðlun • Bankastræti 5 • 101 Reykjavík • Sími 562 2220 • Fax 568 2040 • info@lingo.is